Sini lah se duduk dulu

Tadi se ado kojo kek Flet Tun Dr. Ismail, Soghomban. Alang-alang poi situ se pun jongok-jongok ghumah se ponah duduk maso se bujang dulu. Tu de yang botando panah hijau tu. Numbo eh A58, makno eh di tingkat limo blok A. Se tengok plet numbo eh tak boghubah. Itu lah plet eh maso se duduk dulu. Maso se datang tu ghumah tu bokunci, agak eh tuan ghumah dah poi kojo. Ghumah tu dah ado grill, maso se duduk dulu tak ado lai.

Se bedighi kek tompek se solalu monung dulu. Kaghang ni pandangan eh dah lain. Dulu se nampak utan yo, kaghang ni se nampak Terminal 2 yang baghu siap tu.

Lif pun dah tuka banghu, tapi masih lambek yo. Se donga kerajaan nak pindahkan flet ini. Eloklah tu, dah lamo bona flet ni. Flet yang se duduk tu satu bilik yo. Mano sosuai lai maso ni. Se ingat lai sewo eh maso dulu ompek puluh ghingghit yo sobulan. Ontah boghapolah pulak maso ni.