Seghonok yo se donga ucapan Dato' Sahak Ismail di Perhimpunan UMNO semalam. Se tak kesah bilo dio puji Datuk Seri Najib. Yo lah, maso ni lah nak puji kan? Lobih-lobih lai bilo oghang yang dipuji tu ado koso.
Tapi apo yang se sodap donga yo lah bilo dio puji musuh lamo eh Dato' Seri Utama Tan Sri Isa Samad. Oghang Nogoghi Sombilan (sepuluh tolak satu kato Dato' Sahak) ghamai tahu Dato' Sahak dan Dato' Isa dulu musuh kotat. Satu sobab eh yo lah maso Dato' Isa jadi Montogi Bosa dulu bulih kato tak ado pombangkang dalam Dewan Undangan kito tu. Jadi Dato' Sahak lah jadi pombangkang pulak.
Se tengok Dato' Seri Utama Rais pun dah baik samo Dato' Isa. Itu yo Montoghi Bosa kaghang ni Dato' Seri Utama Muhammad Hassan.
Bayangkan koompek-ompek Dato' ni bosatu pimpin Nogoghi Sombilan ni. Tontu siah palih musuh-musuh eh.
2 comments:
Elok bebona mereko sumo bebaik2. Elok bebonar demi kemajuan Nogoghi Sembilan. Jalan Bt Putus dah tak putuih dah lughuih....kito tak mau donga Nogoghi Sembilan ketinggalan bebanding samo Selangor dan Melako. Nak catchup Selangor payahlah tapi biarlah ateh pado Pahang. Kalau pandang pado Kolo Pilah dah ketinggalan bebanding Temoloh. Walhal Temoloh samo Kolo Pilah samo seangkatan. Bilo se balik ke ghumah mentuo di Chenor lalu Triang se tengok umak eh Bandar Bera dah membangun dengan posat sementolahn Bera dah bepocah dan menjadi sebuah daerah yang dulunyo dalam daerah Temoloh.Patut eh Negoghi Sembilan ambil kesompatan dongan membangunnyo daerah atau negoghi keliling.Sekadar pendapat jo.
Muhammad Abdullah, Kajang.
Maarof,
Yang elok eh, ke 4 orang Dato' tu ikut apo saranan Najib. Jangan ado tikam menikam dari belakang. Sokong antaro satu dengan lain. Jangan gopoh dan tidak baik bertelagah. Tak kemano poi eh doh.
Memang boto Dato' Sahak luah kan isi hati dio. Kalau tidak tak kan DUN Paroi poi ko PAS (maaf kalau silap).
Memang betul kato kau. maso Isa jadi MB NS, pembangkang tak ado.. cumo ado 2 orang DAP ajo. Memang Sahak jadi pembangkang. Kito samo2 tengok - Napsiah bertelagah dengan Isa, apo hasil eh. Rais jadi tak sebulu dengan istano apo sudah jadi. Siapo bantu dio?
Memang elok mereka 4 orang itu bersatu tenago. Bena dan pulihkan kegembialngan N9. Mohamed Hassan kalau tidak jalankan tugas, diperbetulkan.
Tak gitu?
Post a Comment